Faktori kryesor për përkeqësimin e marrëdhënieve ndërmjet komuniteteve janë partitë, organizatat dhe grupet politike. Ata zgjedhin të nxisin nacionalizmin dhe dhunën sepse është mënyra më e lirë, më efikase dhe në të njëjtën kohë më shkatërruese për të marrë vota, popullaritet dhe mandate. Polarizimi, përhapja e frikës dhe premtimi se do t’i shpëtojnë njerëzit nga të tjerët, të ndryshëm”, tha Xhabir Deralla, kryetar i CIVILit ,në konferencën “Marrëdhëniet mes komuniteteve: Perceptimet, Shpresat dhe Frika, Sfidat dhe Zgjidhjet”.
“Sigurisht që do të ishte e pamundur pa ndihmën “eksperte” të intelektualëve, institucioneve arsimore dhe një pjese të shoqërisë civile dhe të mos harrojmë klientin e heshtur thellësisht të kontaminuar, të politizuar/partizan dhe mbi të gjitha konservator e të paarsimuar – administrata. Strukturat ushtarako-inteligjente, politike dhe financiare në vendet antidemokratike, në lidhje direkte ose indirekte me “kërkuesit e pasurisë vendas, marrin pjesë në copëzimin dhe polarizimin e shoqërisë dhe më pas në shkatërrimin e institucioneve, sigurinë dhe stabilitetin e shtetit. E gjithë kjo bëhet e mundur përmes shfrytëzimit agresiv të armës më të fuqishme pa mbushje baruti – mediave”, tha Deralla.
Deralla theksoi se nevojiten urgjentisht hapa vendimtarë dhe gjithëpërfshirës në arsim, kulturë dhe media.
“Rekomandimet e kahershme të CIVIL-it për organizatat e shoqërisë civile, veçanërisht për disa rrjete që adresojnë diskriminimin dhe të drejtat dhe liritë e njeriut, janë që të investojnë më shumë përpjekje në gjenerimin e aktiviteteve dhe ngjarjeve konkrete që do të promovojnë konceptin dhe Strategjinë për Multikulturalizëm, të njohur më parë si “ Një shoqëri për të gjithë”, ka theksuar Deralla në rekomandimet e CIVIL-it.
Deralla shtoi se në periudhën në vijim, Qeveria dhe institucionet duhet të fokusohen edhe më shumë në zbatimin konsekuent dhe më dinamik të Planit të Veprimit të Strategjisë dhe në krijimin e Strategjisë së re 2023-2025, me theks të veçantë në arsim dhe kulturë. institucionet dhe mediat.
Kamera: Atanas Petrovski
Montazhi: Arian Mehmeti
Fotografia: Biljana Jordanovska
