Kryetari i Komunës Qendër, Goran Gerasimovski shprehu mbështetje dhe interesim të madh për bashkëpunim dhe aktivitete të përbashkëta me CIVILI-n si pjesë e aktiviteteve në projektin “Bashkë për ardhmëri më të mirë”, kushtuar multikulturalizmit dhe vlerave evropiane.
“Ne i përkrahim të gjitha aktivitetet në interes të të gjithë qytetarëve”, tha kryetari Gerasimovski, “jemi të gatshëm të marrim pjesë në aktivitetet që ju propozoni, në drejtim të multikulturalizmit dhe vlerave evropiane”. E keni mbështetjen tonë”.
Kryetari Gerasimovski, si dhe sekretari i komunës, Georgi Trajçev, theksuan rëndësinë specifike të Komunës Qendër dhe përshëndetën përpjekjet e CIVIL-it për të kontribuar në identifikimin e sfidave, por edhe më shumë në tejkalimin e tyre dhe hapjen e perspektivave të një shoqëri multikulturore në të cilën ushqehen vlerat evropiane.vlerat.
“Përfaqësuesit e CIVIL-it sot kanë pasur një takim me kryetarin e Komunës Qendër, Goran Gerasimovski. Me këtë rast morëm përkrahje të fuqishme nga komuna dhe kryetari Gerasimovski. Jemi duke u përgatitur për të filluar aktivitetet e përbashkëta në kuadër të projektit “Bashkë për ardhmëri më të mirë’, me mbështetjen e Ministrisë së Punëve të Jashtme të Dukatës së Madhe të Luksemburgut”, tha kryetari i CIVIL-it, Xhabir Deralla, pas përfundimit të takimit.
Deralla informoi se me Gerasimovskin është rënë dakord në parim që të organizohet një ngjarje “Dialogjet qytetarë për sfidat dhe perspektivat e multikulturalizmit dhe vlerave evropiane në nivel lokal dhe kombëtar”, ku do të diskutohet për multikulturalizmin dhe vlerat evropiane, dhe më vonë, me fillimi i vitit shkollor në shtator, të shpallet konkursi shpërblyes për vepra artistike në shkollat fillore në Qendër.
Takimet e mëparshme me kryetarët e komunave të Kumanovës, Shtipit dhe Komunës Qendër janë pjesë e serisë së takimeve të CIVIL-it me kryetarët e komunave. Takimi i radhës mbahet të premten, në Gostivar, me kryetarin e komunës Arben Taravari.
B. Jordanovska
