Propozimi i ligjit për ratifikim të Protokollit ndaj Marrëveshjes veriatlantike lidhur me anëtarësimin e Mbretërisë së Suedisë dhe Propozimit të ligjit për ratifikim të Protokollit ndaj Marrëveshjes veriatlantike lidhur me anëtarësimin e Republikës së Finlandës, janë në rend të ditës në seancat e sotme të Komisionit të Kuvendit për politikë të jashtme dhe Komisionit ligjvënës-juridik, njofton MIA.
Qeveria më datë 17 të këtij muaji, i lëshoi në procedurë të Kuvendit Propozim ligjet e ndara për ratifikim të protokollit ndaj Marrëveshjes veriatlantike lidhur me anëtarësimin e Mbretërisë së Suedisë dhe Republikës së Finlandës, me qëllim që të krijohen parakushte formale juridike, pas hyrjes në fuqi të protokolleve, të dy vendet të mund të anëtarësohen në NATO.
Kryetari i Qeverisë, Dimitar Kovaçevski dhe anëtarët e Qeverisë haptazi e kanë përkrahur iniciativën për anëtarësimin e Suedisë dhe Finlandës në NATO dhe që në maj është dhënë pajtueshmëri për pranim të dy vendeve në NATO.
“Protokollet ndaj Marrëveshjes veriatlantike lidhur me aderimin e Mbretërisë së Suedisë dhe Republikës së Finlandës janë nënshkruar në Bruksel më 5 korrik të vitit 2022 nga përfaqësues të autorizuar të shteteve-anëtare të NATO-s”, njoftoi pres shërbimi i Qeverisë në kumtesë më 17 korrik.
