Presidenti ukrainas, Volodimir Zelenski dje deklaroi se pret që Rusia t’i intensifikojë sulmet ndaj Ukrainës, përderisa Kievi këtë javë e pret vendimin e Bashkimit Evropian për ndarje të statusit të kandidates për anëtarësim, transmeton Agjencia e Lajmeve MIA.
“Është e qartë se këtë javë Rusia do t’i intensifikojë armiqësitë. Dhe jo vetëm kundër Ukrainës, por edhe kundër vendeve të tjera evropiane”, theksoi Zelenski gjatë video fjalimit të tij të djeshëm.
“Më 23 dhe 24 qershor mbahet samiti i rregullt i BE-së, në të cilin, mes tjerash do të bisedohet edhe për mendimet e Komisionit evropian të publikuara javën e kaluar për aplikimet e tre vendeve – Ukrainës, Moldavisë dhe Gjeorgjisë.
