Policia izraelite sot është përleshur me palestinezë, të cilët kanë qenë në xhaminë Al Aksa në Jerusalem, derisa qindra hebrenjë e kanë vizituar tempullin e shenjtë para marshit kontrovers nacionalist hebraik nëpër Qytetin e vjetër, transmeton MIA.
Me marshin vjetor në Jerusalem, izraelitët e festojnë pushtimin e Qytetit të Vjetër në luftën në Lindjen e Afërt në vitin 1967.
Në këtë marsh morën pjesë mijëra njerëz të cilët brohorisnin nëpër rrugët e ngushta me kalldrëmë.
Fraksionet palestineze paralajmëruan se parakalimi nëpër lagjen myslimane në qytet do të mund përsëri ta tensionojë konfliktin shumëvjeçar me izraelitët.
Disa orë para se të fillojë marshi, policia ka mbyllur disa palestinezë në xhaminë Al Aksa, derisa besimtarët hebraikë kanë arritur në kompleksin, të cilin e respektojnë edhe myslimanët edhe hebraikët.
Vitin e kaluar, tubimet e tilla hebraike kanë shkaktuar luftë 11-ditore në Rripin e Gazës mes Izraelit dhe Lëvizjes palestineze Hamas.
