Në 24 orët e fundit në Greqi është regjistruar rritje të numrit të të infektuarve të rinj, por edhe të personave të vdekur nga Kovid-19, nga 111.940 testet e bëra, janë konfirmuar 27.490 raste, që është 24,1 për qind e të testuarve, ndërsa kanë vdekur 73 persona, njofton korrespondentja e MIA-s nga Athina.
Sipas të dhënave zyrtar nga Organizata kombëtare për shëndet publik të Greqisë, nga rastet e reja, 10.058 janë në rajonin Atika, rajoni më i gjerë i Athinës, ndërsa 2.634 në Selanik. Të kyçur në aparate në repartet për kujdes intensiv në spitalet greke janë 342 pacientë. Nga fillimi i pandemisë në vend janë konfirmuar 2.957.810 raste me Kovid-19 dhe kanë vdekur gjithsej 27.341 persona.
