Komisioni Evropian vazhdon me planet për sigurimin e rezervave të detyrueshme të gazit, të menduara që t’i vihet fund varësisë së Bashkimit Evropian nga karburantet fosile ruse, njofton MIA.
Në draft-versionin e dokumentit të Komisionit Evropian bëhet e ditur se vendet anëtare të BE-së duhet të gjejnë mënyra që çdo vit deri më 1 nëntor të sigurojnë përmbushje 90 përqindëshe të kapaciteteve për depozitim të gazit. Sipas draft versionit pushteti ekzekutiv i BE-së planifikon të bëjë kontrolle të ngjarjeve me gazin e depozituar para datës së njoftuar.
Propozimi që pritet të publikohet nesër del nga shqetësimi i rritur në BE për furnizim me energji, pas kërcënimit të Rusisë se do të mund t’i ulë dërgesat e gazit si përgjigje e sanksioneve të cilat BE-ja i vendosi kundër Moskës për shkak të pushtimit ndaj Ukrainës.
Propozimet e tjera kushtuar masave për rregullim në sigurimin e gazit përfshijnë sistem të detyrueshëm për licencim, për vendet anëtare të BE-së që të kenë autorizime më të mëdha ndaj kompanive që punojnë me kapacitetet për depozitim të gazit.
