SHBA-ja bashkë me G7 dhe Bashkimin Evropian, do të ndërmarrin sot iniciativë që t’ia marrin statusin “kombi i privilegjuar” Rusisë për shkak të pushtimit të saj të Ukrainës, deklaruan për mediat perëndimore burime të njoftuara me situatën, raporton MIA.
Marrja e statusit të Rusisë të kombit të favorizuar e hap rrugën e SHBA-së dhe aleatëve të tyre që të vendosin dogana në gamë të gjerë të mallrave ruse, të cilat do ta rrisin presionin ndaj ekonomisë e cila tashmë po shkon në recesion. Marrja e statusit rus të “Marrëdhënie të vazhdueshme tregtare normale” me SHBA-në dukshëm do ta rrisë presionin ndaj presidentit rus Vladimir Putin që t’i japë fund konfliktit më të madh në Evropë që nga Lufta e Dytë Botërore.
Hapat e Uashingtonit drejtë Moskës vijnë pasi disa përfaqësues amerikanë dhe evropianë e akuzojnë Rusinë për krime të luftës për shkak të bombardimit të saj të civilëve në qytetet ukrainase, në kushte të shkeljes së vazhdueshme të armëpushimit në të cilën çdo palë e akuzon tjetrën.
Xhirimet satelitore treguan se kolona ushtarake ruse e cila e kërcënonte Kievin nga veriu është pozitë e re, njoftoi kompania private amerikane Maxar Technologies, sipas gjitha gjasave si përgatitje për sulm ndaj kryeqytetit. Senati amerikan dje votoi për miratimin e legjislativës me të cilën sigurohen 13,6 miliardë dollarë për ndihmë të Ukrainës për financim të municionit dhe rezerva të tjera ushtarake, si dhe mbështetej humanitare.
