Kina ka shpallur numrin më të madh të të infektuarve me koronavirus në dy vitet e fundit, njofton agjencia e lajmeve MIA.
Autoritetet shëndetësore kineze raportojnë 402 infeksione lokale, pothuajse dyfishi i një dite më parë. Janë paraqitur edhe 435 infeksione asimptomatike dhe 277 raste të importuara nga jashtë.
Pas valës së parë të madhe të koronavirusit dy vjet më parë, Kina arriti ta vinte shpejt virusin nën kontroll. Që atëherë, në vend janë regjistruar vetëm epidemi rajonale.
Autoritetet kinezë të shëndetësisë thonë se shpërthimi i variantit shumë ngjitës Omikron i virusit në qytetin port lindor të Tianin do të jetë një sfidë për masat mbrojtëse.
Raste individuale janë raportuar në dy qytetet më të populluara të vendit – Pekin dhe Shangai. Infeksione të reja janë raportuar në shtatë provinca dhe rajone. Veçanërisht e prekur është provinca verilindore e Xhilin me 165 infeksione simptomatike.
