Rusia ka transportuar në kufirin me Ukrainën rreth 70 për qind të forcave të resurseve të nevojshme për invazion në vendin me magnitudë të madhe dhe pushtim të madh të kryeqytetit Kiev, kumtojnë mediat amerikane duke iu referuar burimeve ushtarake dhe të inteligjencës. Uashington post thekson se numri i grupeve ruse bataliono-taktike në kufirin me Ukrainën është rritur deri në 83, para një jave ka qenë 60, ndërsa edhe 14 grupe janë rrugës për të mbërritur. Nuk sqarohet nëse në këtë shifër bën pjesë edhe ushtria e arritur në Bjellorusi ku janë paralajmëruar stërvitje ushtarake.
Një batalion përmban rreth 750 ushtarë. Rreth 62.000 janë forca sulmuese, e mbështetur në prapavijë nga dhjetëra mijëra personel shtesë të angazhuar për logjistikë, kujdes mjekësor, mbështetje ajrore, Numri i përgjithshëm i ushtarëve rusë në kufirin me Ukrainën dhe në Krimenë e aneksuar është nga 100.000 deri në 130.000″, vlerëson gazeta. Televizioni Foks njuz duke iu referuar burimeve nga Kongresi të njoftuar me dëshminë e paradokohshme të mbyllur për publikun të Marki Mili, shef i Shtatmadhorisë së forcave ushtarake amerikane, pohon se Kievi mund të pushtohet për 72 orë. CNN mbrëmë dha një vlerësim për humbjet njerëzore në rast të invazionit nga një magnitudë e madhe.
Humbjet në Ukrainë mund të jenë nga pesë deri në 250.000 ushtarë, ndërsa popullata civile nga 25.000 deri në 50.000, ndërsa për Rusinë humbjet do të ishin nga tre deri në 10.000 ushtarë. Krahas kësaj, vlerësohet se invazioni mund të shkaktojë valë prej pesë milionë refugjatëve në vendet e BE-së. Rusia përgënjeshtroi se përgatit sulm ndaj Ukrainës. Me kërkesë të aleatëve të NATO-s të ndalojë me sistemim në kufi, u përgjigj se në territorin e saj mund të sjellë forca ushtarake ku dëshiron. Liderët perëndimore janë të bindur në këtë. Ministrja britanike e Punëve të Jashtme, Lis Truks e ka shpërndarë në Tuiter publikimin e Uashington post për vlerësimet e inteligjencës për planet për infiltrim të ushtrisë ruse në Ukrainë.
Tim Salivan, këshilltar për siguri kombëtare të Bajdenit, mbrëmë e konfirmoi frazën e njohur se “Rusia mund të sulmojë në çdo moment”. “Aksion ushtarak kundër Ukrainës mund të ndodh në çdo dit[, ose për dy javë e tutke, ose në vend të kësaj Rusia mund të zgjedh rrugë diplomatike”, deklaroi ai për CBS. SHBA-ja dhe dhe aleatët e tyre thonë se nuk dihet nëse Putin e ka marrë vendimin, por se mundësia e një pushtimi është reale.
Është e paqartë se për çfarë motivesh është i prirur Kremlini. Jepen vlerësime për formën e aksioneve ushtarake, të cilat mund të jenë veprime ushtarake lokal në Donbas në Ukrainën lindore deri te një sulm i hapur që synon marrjen e kontrollit në fillim të Kievit dhe më pas të Ukrainës në tërësi.
