SHBA-ja nuk do të lejojnë Iranin të marrë armë bërthamore, deklaroi presidenti i SHBA-së Xho Bajden para bisedimeve me presidentin izraelit Reven Rivlin në Shtëpinë e Bardhë, njoftoi Tass.
“Irani kurrë nuk do të marrë armë bërthamore nën presidencën time”, tha Bajden, duke shtuar se ai do të diskutojë situatën me Iranin me Rivlin.
Ai shtoi se kishte urdhëruar sulme ajrore në shënjestra të grupeve të mbështetura nga Irani në Irak dhe në Siri, për të cilat Uashingtoni kumtoi se ishin sulmuar trupat amerikane.
Presidenti shpjegoi se ai udhëhiqej nga neni 2 i Kushtetutës së SHBA-së, e cila lejon Komandantin e Përgjithshëm të përdorë veprime ushtarake në rast të vetëmbrojtjes.
Ai tha se do të pranonte kryeministrin e ri izraelit Naftali Benet “së shpejti” në Uashington.
Presidenti izraelit theksoi se Izraeli nuk ka asnjë aleat më të mirë se Shtetet e Bashkuara të Amerikës dhe se vlerat demokratike lidhin të dy vendet.
