CIVILi për sot ftoi nga një njeri nga qeveria, armata, media dhe sektori joqeveritar të debatojnë për dezinformatat e rrezikshme dhe sulmet hibride.
Koordinatori nacional Marjan Zabrçanec, nënkoloneli Aleksandar Iliev, docenti pranë katedrës për ligjin ndërkombëtar, m-r Ljupço Stojanovski dhe përfaqësues të shoqërisë qytetare, janë folës në ngjarjen publike të CIVILit në temën “Autostrada me fakte kundër qorr sokakut të dezinformatave të rrezikshme”. Ngjarja do të mbahet sot në Hotelin City Park ( te komuna Qendër), me fillim në ora 11 (e mërkurë, 16 qershor). Ngjarja do të zgjasë 60 minuta dhe do të transmetohet drejtpërdrejt.
A paraqet keqinformimi dhe gjuha e urrejtjes kërcënime hibride? A kanë institucionet kapacitet për t’u marrë me kërcënimet hibride? Në çfarë mase dhe në çfarë mënyre OJQ -të dhe media mund të përfshihen në mbrojtjen nga kërcënimet hibride? Me fakte, përgjegjësi dhe vendosmëri përballë keqinformimit të rrezikshëm … Këto janë disa nga çështjet dhe temat që do të diskutohen në ngjarjen publike të CIVILit.
Ngjarja do të transmetohet drejtpërdrejt në Fejsbuk faqen dhe video kanalin e CIVILit, dhe do të mbahet pa publik. Prezenca e ekipeve televizive është e lejuar, me përmbajtje të rreptë ndaj protokolleve për mbrojtje nga Kovid-19.
Gjuha e punës në ngjarje është në gjuhën maqedonase, por të gjitha materialet pastaj do të jenë në dispozicion në gjuhën maqedonase, shqipe dhe angleze.
Paneli është pjesë e projektit “Perspektiva evropiane” të cilin CIVILi e zbaton me mbështetje nga Ministria për punë të jashtme e Republikës Federale të Gjermanisë.
Marrja e përmbajtjeve është e mirëseardhur, sipas licencës Creative Commons 4.0.
CIVIL
