Kryeministri Zoran Zaev sot në kabinetin e tij u takua me Avokatin e Popullit, Naser Ziberi të cilët theksuan rëndësinë e pozicionit të institucionit Avokati i Popullit në aspekt të përforcimit të kritereve me qëllim mbrojtjen e të drejtave kushtetuese dhe ligjore të qytetarëve.
Zaev, siç theksohet në njoftim, bisedoi me Avokatin e Popullit për gjendjet aktuale në vend, në aspekt të vazhdimit të rrugëve evropiane të vendit në plan ndërkombëtare dhe masat e ndërmarra të cilat veçmas japin rezultate në aspekt të rimëkëmbjen e ekonomisë nga kriza shëndetësore-ekonomike shkaktuar nga virusi KOVID-19.
“Pavarësia juaj, efikasiteti dhe transparenca reflektohen në avancimin e parametrave të jetës së qytetarëve ju jeni korrigjues i institucioneve dhe organeve të administratës shtetërore në drejtim të sigurimit të shërbimit më efikas të qytetarëve dhe mbrojtjen e të drejtave të tyre”, tha kryeministri Zaev, duke u shprehur i kënaqur dhe transparent për vazhdimin e bashkëpunimit me institucionin.
Avokati i Popullit, Naser Ziberi i shoqëruar nga bashkëpunëtorët e tij ia dorëzoi në formë digjitale dhe e njoftoi kryeministrin Zaev me karakteristikat kryesore të Raportit vjetor për vitin 2020, pas së cilës pritet të sillen masa, që do të dorëzohen deri te Qeveria, të cilat kanë të bëjnë me përmirësimin e gjendjeve në drejtim të efikasitetit më të madh të funksionit të Avokatit të Popullit.
Sipas Avokatit të Popullit gjatë vitit 2020, pandemia me KOVID-19 ka pasur ndikim edhe në punën e institucionit që e udhëheq, në aspekt të numrit të parashtresave të pranuara dhe në raport të aktiviteteve të tjera në drejtim të sigurimit, respektimit dhe avancimit dhe mbrojtjes të së drejtave dhe lirive njerëzore.
Ndryshe, bashkëbiseduesit u pajtuan se vazhdon bashkëpunimi për avancimin dhe aktualizimit të së drejtave të qytetarëve, me mbështetjen e nxitjes së përgjegjshmërisë më të madhe të institucioneve me institucionin Avokati i Popullit, kompetenca e të cilit është mbrojtja e të drejtave kushtetuese dhe ligjore të qytetarëve, në rast se u shkelen të drejtat nga organet e administratës shtetërore dhe nga organe dhe organizata të tjera që kanë autorizime publike.
