Me digjitalizimin e tërësishëm të më shumë se 100 sallave gjyqësore në 34 gjykata në vend, si dhe salla gjyqësore në kuadër të Akademisë për gjykatës dhe prokurorë publik dhe burgut “Idrizovë”, Qeveria paralajmëron përparim kuantik teknologjik që do të bëhet për kohë relativisht të shkurtë në kuadër të aktiviteteve të planifikuara për digjitalizim të gjyqësisë.
Qeveria, njëherësh ndërmerr detyrim, që të sigurojë mjete për mirëmbajtjen e pajisjes, e cila do të instalohet në gjykata, por edhe përforcim të resurseve njerëzore, të nevojshëm për punë.
Kryeministri Zoran Zaev, në konferencën e sotme për shtyp, potencoi se me digjitalizimin e gjyqësisë, do të arrihet efikasitet më i madh dhe transparencë e organeve të jurisprudencës, qasje e lehtësuar deri te procedurat gjyqësore për të gjithë dhe harxhime të zvogëluara.
“Plani për digjitalizim përmban aktivitete në më shumë faza. Do të pajisen më shumë se 100 salla gjyqësore në 34 gjykata në vend, si dhe salla gjyqësore në kuadër të akademisë për gjykatës dhe prokurorë publik dhe burgun ‘Idrizovë’”, tha Zaev.
Digjitalizimi në gjyqësi, theksoi Zaev, në mënyrë shtesë, do të ndihmojë në avancimin e pavarësisë së gjyqësisë dhe paanëshmërisë, me minimalizimin e procesit njerëzor.
Siç theksoi ministri i Drejtësisë, Bojan Mariçiq, pikërisht pandemia me Kovid-19 ka qenë katalizator që në sipërfaqe e ka nxjerrë nevojën për digjitalizim, me të cilën, siç shtoi, do të mbrohet shëndeti i qytetarëve, ndërsa procedurat do të zhvillohen pa penguar.
“Digjitalizimi mes tjerash, do të thotë edhe vendosje të onlajn-gjykimeve, e ky me të vërtetë do t’i përshpejtojë procedurat, të cilat do të jenë edhe më të lira, ndërsa mundësitë për anulim do të zvogëlohen në mënyrë të konsiderueshme”, tha Mariçiq.
Procesin e digjitalizimit në gjykata në aspektin financiar, teknik dhe profesional do ta ndihmojnë OSBE-ja, SHBA-ja, KE-ja dhe Qeveria norvegjeze.
