Qytetaret dhe qytetarët e Gostivarit janë të njëzëshëm se regjistrimi duhet të mbahet dhe se nuk duhet të bojkotohet.
“Regjistrimi duhet të mbahet, të shohim kush jemi dhe sa jemi. Ata që bëjnë thirrje të mos i pranojmë regjistruesit, nuk do të vijnë ata nga 100 veta, do të vjen 1 ose dy regjistrues. Ja qyteti është plot me njerëz, por ata që nuk duan të ketë regjistrim thonë “do të na zë korona”, si do të na “zë” korona? Ne nuk jemi të burgosur që të na ze, pasi që tërë ditën jemi jasht. Regjistruesit janë të mirëseardhur te unë. Regjistrimi duhet të mbahet, të dime se çfarë ka në shtet”, tha një qytetar i Gostivarit, pas pyetjes së ekipit të CIVILit – Cilat do të jenë përfitimet nga regjistrimi, dhe a do ta bojkotoni?
Një qytetar i Gostivarit thotë se dihet të dihet pasqyra demografike në shtet. Ai tha se do ti pranojë regjistruesit në shtëpi.
Një qytetar tjetër që jeton jashtë vendit thotë se ai e ka realizuar të drejtën e tij përmes aplikimit për vetëregjistrim të qytetarëve në diasporë.
“U regjistrova pa problem. U bëj thirrje të gjithëve të regjistrohen, sepse duhet të dihet sa njerëz ka këtu, dhe sa janë larguar”, tha ai.
“Thirrjet për bojkotim nuk janë reale. Pse të bojkotohet? Regjistrimi bëhet për ne, sepse ne jemi shteti”, thotë një qytetar tjetër i Gostivarit.
Një qytetar theksoi se thirrjet të mos u hapet dera regjistruesve, është vetëm lojë politike.
“Nuk mund të arsyetohen me pandeminë, tani mundet jashtë të bëhet regjistrimi, koha është ebutë. Regjistrimi duhet të bëhet, nuk ka dëm fare, thotë një qytetar.
Teksti dhe montazhi: Dehran Muratov
Kamera: Atanas Petrovski
