Fillon faza e re e Nismës së CIVILit “Të bashkuar në dallime” e cila filloi nga mesi i tetorit. Nga sot fillon një seri e video adresimeve nga persona publikë në të cilat bëhet fjalë për multikulturë, tolerancë ndëretnike dhe vlera evropiane. Gjatë kësaj jave, njerëzit e bashkuar në dallime, do të shoqërohen me aktoret Nesrin Tair, Vlladanka Dimkovska dhe autoren Lisa Bauta Shaqiri, ndërsa gjatë javës së ardhshme pasojnë video mesazhe interesante nga gazetarë, ekspertë, aktivistë…
Hapësirë ka për të gjithë. Secili që dëshiron ta tregojë qëndrimin dhe mesazhet e veta se sim und të jemi të bashkuar në dallime. Organizata do të botojë edhe udhëzime më të hollësishme për incizimin e selfie video ose të caktojë termin për incizim në ambient të hapur me ekipin e CIVILit.
Nisma “Të bashkuar në dallime” filloi me intervistën dhe galerinë me zgjidhje dizajnuese nga artisti i njohur Zoran Kardulla.
Nga fillimi i Nismës, në platformën mediatike të CIVILit u botuan kolumna nga disa autorë të njohur si Besa Arifi, Mirjana Najçevska dhe tjerë. U botuan edhe intervista me ministren për arsim dhe shkencë Milla Carovska, koordinatori nacional për interkulturalizëm Robert Allagjozovski dhe tjerë.
Për çdo ditë do të ketë përmbajtje të reja, dhe sigurisht, zëri i qytetareve dhe qytetarëve, posaçërisht i përfaqësuesve të tyre nga shoqëria civile, do të jenë të përfshira në botimet e shumta që pasojnë.
Shoqëria e Maqedonisë është multikulturore, multifetare dhe multietnike. Ky fakt e prezanton edhe bukurinë e potencialeve të mëdha të vendit. Dhe, me këtë projekt, CIVILI përcjell mesazh të fuqishëm kundër nacionalizmit dhe u bën thirrje qytetareve dhe qytetarëve të vazhdojnë me mbështetjen e ardhmësirë së Maqedonisë së Veriut në BE.
Mesazhi është të jemi “Të bashkuar në dallime”. Të punojmë për paqe dhe prosperitet, dhe njëkohësisht ta njohim pasurinë që del nga kulturat tona të ndryshme, traditat dhe gjuhët. Hashtagu I Nismës është #TëBashkuarNëDallime, #ОбединетиВоРазличноста ose #unitedindiversity. CIVILi u bën thirrje të gjithë qytetarëve të japin kontributin e tyre me video, tekst ose fotografi dhe ti bashkangjiten Nismës…
Ekipi i CIVILit për komunikime
