Nga Unioni i nxënësve të shkollave të mesme sot kumtuan se Qeveria nuk e ka pranuar kërkesën e tyre më të rëndësishme, viti shkollor të fillojë me model të kombinuar të mësimit, duke theksuar se këtë muaj do ta ndjekin gjendjen me epideminë dhe nëse është stabile do të kërkojnë ai model të zbatohet nga nëntori, ndërsa nëse nuk plotësohet kërkesa e tyre, nxënësit e shkollave të mesme do ta bojkotojnë mësimin.
“Kërkesa jonë më e rëndësishme, viti shkollor të fillojë me model të kombinuar nuk është pranuar nga organet për arsim dhe Qeveria. Unioni i nxënësve të shkollave të mesme tashmë me javë është në kontakt të përhershëm me nxënësit e shkollave të mesme nga të gjitha qytetet dhe arritëm konsensus për hapat e ardhshëm të Unionit. Kemi bërë kompromis duke i respektuar epidemiologët, viti shkollor të fillojë nga distanca, por nëse gjendja epidemiologjike gjatë muajit tetor është stabile, atëherë nxënësit duhet gradualisht të kthehen në shkolla me model të kombinuar, në rast se nuk ndodh ajo, çdo nxënës do ta bojkotojë mësimin onlajn në nëntor. Kjo nuk duhet të kuptohet si kompromis, por si ultimatum prej një muaji deri te ministrja Carovska dhe ministri Filipçe”, potencuan nga Unioni i nxënësve të shkollave të mesme.
Nxënësit e shkollave të mesme konsiderojnë se mbyllja e shkollave i thellon pabarazitë sepse rreth 40.000 nxënës në RMV nuk kanë mjete të nevojshme financiare për pjesëmarrje në procesin e mësimit nga distanca.
Ata i lavdëruan hapat e autoriteteve arsimore drejt përmirësimit të mësimit onlajn përmes krijimit të platformës nacionale për mësim nga distanca, gjegjësisht prej në shtëpi, por konstaton se, nëse nesër, kur fillon viti shkollor, platforma nuk është funksionale, dikush duhet të ndërmerr përgjegjësi për atë.
“Ne nuk kemi reaguar deri tani për platformën nacionale sepse duam të presim deri nesër se si do të fillojë viti shkollor nga distanca. Nëse platforma nuk është funksionale ne do të kërkojmë dikush të ndërmarrë përgjegjësi, nuk mund të “luhet” me arsimin. Nga muaji prill kemi pasur shumë kohë të përgatitemi dhe tani nuk mundet platforma të jetë funksionale”, potencuan nga Unioni.
Nga Unioni potencuan se në javët e fundit kanë bërë përpjekje të mëdha të shqyrtohen kërkesat e nxënësve në vend për modelin e kombinuar dhe të pranohen nga institucionet.
burim: mia.mk
