Ekipi i Civilit e vizitoi Gostivarin dhe Strugën, dhe përmes info-stendave komunikuan me qytetare(ë)t e këtyre dy qyteteve për referendumin dhe të drejtën e votimit. Qytetarët e Gostivarit i shprehën qëndrimet dhe mesazhet për referendumin.
“BE për personat me aftësi të kufizuara”, “Rroftë Merkel”, “Dilni për të mirën e fëmijëve” – banor i Francës, janë vetëm një pjesë e mesazheve që i shkruan qytetarët e Gostivarit.
Ekipi i Civilit vazhdoi edhe në Strugë ku qytetarët gjithashtu shkruanin dhe këmbenin mendime, mesazhe, qëndrime…
“Hajdutët dhe çaushët të përgjigjen”, “Unë vendosi për ardhmërinë time”, “Ky është shans historik të cilin nuk guxojmë ta lëshojmë”, janë vetëm disa nga mesazhet e Struganëve.
Vizitat janë pjesë e projektit “Votoj, pra ekzistoj”, i mbështetur nga Ambasada e SHBA në Shkup.
