“Këto kohë janë shumë sfiduese, posaçërisht për minoritetet në Maqedoni. Në dy vitet e kaluara, kur bëhej fjalë për përfshirjen dhe marrëdhëniet ndëretnike në Maqedoni, në veçanti në arsim, pas të gjitha projekteve për integrim, megjithatë, rezultati është – segregim më i madh! Ne jetojmë në shoqëri ku të rinjtë nuk flasin mes vete nëse janë nga etni të ndryshme. Këtë problem duhet ta zgjidhim nëse dëshirojmë pranim në BE.
E njëjta është edhe me të drejtat e LGBTI – komunitetin.
Problemi më i madh është apatia e të rinjve në vend. Nuk interesohen për politikë, sepse mendojnë që ajo është e lidhur me partitë politike, dhe jo me çdo gjë që ndodh për çdo ditë.
Apatia është punë e tmerrshme për vendin tonë. Dëshira e vetme e të rinjve këtu është të largohen nga vendi. Madje edhe nuk presin të studiojnë këtu, por të studiojnë jashtë vendit. Kjo është ajo për të cilën duhet të punojmë dhe t’i drejtojmë perspektivat tona. Duhet t’i mësojmë si ta njohin diskriminimin. Për arsye se, çdo gjë që është bërë vitet e kaluara është për më të moshuarit, dhe jo për më të rinjtë, dhe ata ndjehen të diskriminuar”, tha në adresimin e tij Ognen Janevski.
