Anija “Butrinti” e marinës ushtarake shqiptare, në bashkëpunim me rojën bregdetare turke e greke shpëtuan në Detin Egje një gomone me 36 persona në bord, 12 prej të cilëve fëmijë dhe 15 gra, njofton ATSH-ja.
Ministrja e Mbrojtjes, Olta Xhaçka tha se anija “Butrinti” po vijon punën e mirë të simotrës së saj “Oriku”, në Detin Egje”.
“Tridhjetë e gjashtë emigrantët e nisur nga brigjet turke iu dorëzuan rojës bregdetare greke për të vijuar procedurat në ishullin Kios”, tha Xhaçka.
Në prill të 2017 anija “Oriku” shpëtoi në Detin Egje 51 persona, nga të cilët, 17 gra, 12 fëmijë dhe 22 burra që ndodheshin në një gomone. Gomonia ishte nisur nga brigjet e Turqisë drejt brigjeve greke. (MIA)
