SHBA-ja edhe më tej i mbështet negociatat aktuale nën udhëheqjen e Kombeve të Bashkuara për problemin rreth emrit të Maqedonisë, kumtuan nga Departamenti i Shtetit për Zërin e Amerikës në gjuhën maqedonase, duke e theksuar mbështetjen për zgjidhjen e kontestit shumëvjeçar.
“Shpresojmë se liderët e Maqedonisë dhe Greqisë do të gjejnë zgjidhje të përbashkët të pranueshme për problemin me emrin, që do të jetë në interes të integrimit euroatlantik, prosperitetit ekonomik, paqes dhe stabilitetit në rajon”, kumtoi Departamenti i Shtetit.
Kryeministri Zoran Zaev dje deklaroi se zgjidhja e kontestit shumëvjeçar për emrin asnjëherë nuk ka qenë më afër, por nuk dha më shumë hollësi për marrëveshje eventuale, e cila sipas paralajmërimeve duhet të finalizohet në një bisedë telefonike me homologun e tij grek Aleksis Cipras.
Presidenti Gjorge Ivanov, megjithatë, pas takimit të djeshëm me shefin e diplomacisë Nikolla Daimitrov në të cilën u informua për zhvillimin e procesit të zgjidhjes së kontestit me Greqinë, kumtoi se për të është i papranueshëm emër për përdorim të përgjithshëm dhe ndryshimi i Kushtetutës.
Ministri Dimitrov deklaroi se për çështjen e emrit duhet lidership dhe përgjegjësi e lartë nga të gjithë faktorët politik.
“Nëse gjemë mënyrë ta mbyllim problemin me ruajtjen e identitetit dhe dinjitetit , të gjithë së bashku do të jemi në anën e drejtë historisë”, tha Dimitrov.
(MIA)
