Moti në Maqedoni do të jetë me vranësira të ndryshueshme me periudha dielli. Pasdite, do të ketë shi të përkohshëm, ndërsa në nivel lokal do të mbaj mot jostabil, me shi të rrëmbyeshëm dhe vetëtima.
Temperatura e mëngjesit do të lëvizë prej shtatë deri në 15 gradë Celsius, ndërsa e ditës prej 18 deri në 26 gradë Celsius. Indeksi UV do të jetë 6.
Në Shkup do të mbajë mot me vranësira të ndryshueshme, pasdite me shi lokal dhe me kushte për vetëtima të rralla. Temperatura do të lëvizë prej 11 deri në 25 gradë Celsius.
Ditëve në vijim do të vazhdojë periudhë e motit të ndryshueshëm me reshje të përkohshme të shiut dhe vetëtima. Të mërkurën proceset do të jenë më të rralla dhe me intensitet më të dobët, ndërsa nga e enjtja kushtet për jostabilitet përsëri do të rriten. (MIA)
