BE-ja e përkrahu perspektivën evropiane të vendeve të Ballkanit Perëndimor, sepse siguria e Evropës varet nga siguria në rajon, deklaroi mbrëmë në Lubjanë kryetari i Këshillit Evropian, Donald Tusk.
Pas takimit me kryeministrin slloven Miro Cerar, Tusk theksoi se samiti i ardhshëm BE-Ballkani Perëndimor në Sofje, duhet që të përdoret për shfrytëzimin e përkrahjes të europerspektivës në rajon.
Cerar nga ana e tij deklaroi se Sllovenia e përkrah pranimin e vendeve të Ballkanit Perëndimor në BE, pasi do të plotësohen kushtet e parashtruara për anëtarësim.
Përveç për takimin në Sofje dhe Samitin e qershorit në BE, Cerar dhe Tusk biseduan edhe për çështjet për emigracionin dhe politikat për dhënien e azilit.
Cerar lidhur me emigracionin angazhohen për qasje të përbashkët të qëllimit BE lidhur me problemin e emigrimit dhe politikën e dhënies së azilit.
“Sllovenia është e shqetësuar sepse numri i emigrantëve që do të lëvizin sipas rutës ballkanike rritet në mënyrë të konsiderueshme dhe për këtë duhet që së bashku të reagojmë”, deklaroi Cerar. (MIA)
