Korea Veriore njoftoi se do t’i ndërpresë testet e raketave balistike me rreze të madhe veprimi dhe planifikon që t’i mbyllë poligonet për testimin e bombave bërthamore.
Mediat koreanoveriore publikuan se ndërprerja e testimeve fillon të shtunën.
Koreja Veriore vendosi që të bëjë një hap të tillë, me qëllim mbajtjen e “fokusit kombëtar” dhe përmirësimin e ekonomisë.
Paralajmërimi për ndërprerjen e testeve bërthamore dhe raketore ndodhi disa ditë para se lideri koreanoverior Kim Xhon-un të takohet me presidentin e Koresë Jugore, Mun Xhae In me qëllim që të tentojnë që t’i japin fund konflikteve midis dy Koreve.
Vendimi i Koresë Veriore u mor në seancën plenare të Komitetit Qendror të Parisë Punëtore qeveritare, e cila diskutoi për “erë të re” në politikë.
Burimi: MIA
Përmbajtjet që i merr Civili nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
