Me transparente “A e dini kush është Almiri?”, “Drejtësi për Almirin” dhe “Nuk ka drejtësi, nuk ka paqe”, para kuvendit të Republikës së Maqedonisë sot qytetare dhe qytetarë nga iniciative “Drejtësi për Almirin” e pritën përfaqësuesen e lartë për punë të jashtme dhe politikë të sigurisë për BE, Federika Mogerinin.
“Erdhëm këtu që t’i japim porosi Mogerinit, Hanit dhe të gjithë syve të Evropës të cilat sot janë të drejtuara nga Maqedonia, se drejtësia te ne është e vdekur!”, tha Visar Vishka, një nga organizatorët e protestës.
Vishka theksoi se protesta e sotme ka për qëllim t’u tregojë përfaqësuesve të Bashkimit Evropian se qytetarët nuk pajtohen me këtë drejtësi, dhe se, nëse ata mendojnë se ky sëhtë shembull për drejtësi evropiane, mund t’i marrin me vet gjykatësit dhe politikanët tonë.
“Këtu nuk e kam fjalën vetëm për rastin me Almirin, por të gjitha rastet në të cilat ka tregues se gjyqësia nuk ka vepruar në mënyrë objektive dhe të paanshme”, tha Vishka.
Ai gjithashtu shtoi se pritet vendimi i fundit i gjykatës në Kumanovë që të ngritin padi kundër prokurorëve Jovevski dhe Kusigerska, gjykatëses Denkovska dhe të gjithë të involvuarit për të cilët ka dyshime se nuk kanë vepruar sipas ligjit, nga politikanë, gjykatës, prokurorë publikë dhe të gjithë tjerët që kanë të bëjnë me rastin.
Maja Ivanovska
