Sektori bankar është stabil, i sigurtë dhe besimi është në nivel të lartë. madje edhe nëse ndryshon struktura e aksionarëve në disa banka BPRM mban llogari që aksionarët e rinj të jenë të paktën në të njëjtin nivel të cilësisë, si paraardhësit, këtë e theksoi guvernatori i BPRM-së, Dimitar Bogov lidhur me paralajmërimin se grupacioni francez “Sosiete gjeneral” do ta shesl “Bankën e Ohrit” në Maqedoni.
Duke iu përgjigjur pyetjes së gazetarëve, guvernatori theksoi se nuk do ta komentojë atë informatë sepse bëhet fjalë për informatë të ndjeshme të tregut dhe nëse ka diçka të tillë grupacioni të dalë të njoftojë publikun.
Sipas tij ajo nuk duhet të jetë shqetësuese.
Në situatë të tillë BPRM e ka fjalën e fundit dhe nga aspekti i asaj se kush do të ishte blerësi i bankës.
Grupacioni francez “Sosiete gjeneral”, siç raportoi gazeta bullgare “Kapital”, tërhiqet nga tregjet jostrategjike në Evropën Lindore, duke përfshirë edhe Maqedoninë, ku si kompani nuk është në mesin e top treshit të bankave sipas pjesëmarrjes në treg.
Në kuadër të kësaj, shitet banka në Bullgari në pako me pesë filiale të tjera të grupacionit francez në Shqipëri, Maqedoni, Mal të Zi, Serbi dhe Moldavi.
Burimi: MIA
