Gjatë ditës së sotme, në rrugën “Arhiepiskop Dositej”, në Çair, banorët e kësaj komune, gjegjësisht të kësaj rruge janë lajmëruar nga SPB – Shkup (departamenti për siguri të komunikacionit rrugor), se do të ndërmerren masa për largimin e veturave të cilat janë të parkuara në vende të papërshtatshme për parkim.
Qytetarët janë me mendime të ndara lidhur me këtë lajmërim. Në rrjetet sociale mund t’i hasim reagimet e tyre pozitive dhe negative.
Një pjesë e qytetarëve pyesin lidhur me zgjidhjen e kësaj problematike, se ku do të mundësohet parkim për ata, të tjerët e përshëndesin këtë iniciativë dhe japin mbështetjen e tyre për zbatimin e kësaj mase, përderisa një pjesë tjetër pyesin se mos vallë bëhet fjalë për ndonjë manipulim apo me të vërtetë është paralajmërim nga ana e kompetentëve, pasi që në lajmërim nuk qëndron vula.
