Punëtori dyditore në temën “Përmirësimi i sistemit për mbrojtje juridike lidhur me azilin dhe natyralizimin”, do të mbahet sot dhe nesër në Shkup, lidhur me integrimin e refugjatëve Kosovarë, zgjidhje të qëndrueshme për ta si dhe kthim me vetë dëshirën e tyre, njofton MIA.
Punëtoria është në organizim të zyrës së Avokatit të Popullit dhe Komisariatit të Lartë për Refugjatë nga Kombet e Bashkuara – Zyra në Shkup.
Punëtorinë do ta hapin Avokati i Popullit, Ixhet Memeti dhe përfaqësues nga Komisariatit i Lartë për Refugjatë nga KB – Zyra në Shkup, Dag Sigurdson.
Në konferencë do të drejtohen edhe përfaqësues nga Zyret e Ombudsmanëve nga Mali i Zi, Shqipëria dhe Kosova. Shoqata e Juristëve të Rinj, si dhe përfaqësues të Qendrës për Integrim të Refugjatëve dhe të Huajve pranë Ministrisë për Punë dhe Politikë Sociale, Sektori për Azil dhe të Huaj pranë Ministrisë për Punë të Brendshme, si dhe nga Drejtoria për udhëheqje të librave amë pranë Ministrisë së Drejtësisë.
[divide]
Burim: META
Përmbajtjet të cilat CIVIL i merr nga burime të tjera nuk nënshtrohen në licencën Creative Commons 1.0, përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
