OJQ Infoqendra dhe Komiteti i Helsinkit për të drejtat e njeriut në Republikën e Maqedonisë, sot me fillim në ora 12, në hotelin Gligorov, organizuan prezantim me diskutim në temën “Avokati i Popullit – mes qytetarëve dhe institucioneve”.
Në ngjarjen u prezantuan gjetjet nga monitorimi i punës së Avokatit të Popullit dhe fokus- grupeve të organizuara me gazetarë dh aktivistë qytetarë nga Strumica, Shtipi, Manastiri, Tetova dhe Shkupi.
Në prezantimin me fjalimet e tyre u paraqitën: Uranija Pirovska, drejtoresha ekzekutive e Komitetit të Helsinkit, Biljana Bejkova, drejtoresha ekzekutive e OJQ Infoqendrës, Gordana Duvnjak – gazetare, Ixhet Memeti, Avokat i Popullit dhe Sllavço Timov – zëvendës i Avokatit të Popullit në zyrën rajonale në Strumicë.
Në korniza të prezantimit u zhvillua diskutim edhe për atë se si Avokati i Popullit i mbron qytetarët dhe të drejtat e tyre para institucioneve shtetërore, sa qytetarët e njohin Avokatin e Popullit si mbrojtës të tyre, vallë institucionet shtetërore veprojnë sipas udhëzimeve të Avokatit të Popullit dhe nëse Avokati i Popullit gëzon reputacionin e institucionit të fuqishëm, të pavarur dhe me autoritet në opinion.
Ngjarja u organizua në kornizat e projektit “Monitorimi qytetar i Avokatit të Popullit”, i mbështetur nga Ambasada e SHBA në Maqedoni.
