CIVIL – Qendra për Liri do ta vëzhgojë rivotimin për kryetar komune të komunës Çair në vendvotimin 2901, që do të mbahet më 12 nëntor, të dielën.
Ekipet vëzhguese të Civilit edhe pas mbarimit të rrethit të dytë të zgjedhjeve vendore janë vazhdimisht në terren dhe e vëzhgojnë situatën para rivotimit të dielën. Civili është në komunikim të vazhdueshëm me vëzhguesit, gazetarët qytetarë, vullnetarët dhe qytetaret dhe qytetarët nga komuna Çair.
Disa muaj para shpalljes së zgjedhjeve vendore, Civili filloi me monitorimin e komunave në gjithë vendin, me përcjellje të gjendjeve në terren dhe ka mbledhur informata nga bashkëpunuesit e vet për rrjedhën e përgatitjeve për zgjedhjet, si dhe për dy rrethet e procesit zgjedhor. Një pjesë nga këto informata veç më janë botuar në platformën mediatike CIVIL Media dhe Drejt mk. Si dhe në ueb faqet në gjuhën shqipe dhe angleze, ndërsa një pjesë nga këto për herë të parë do të botohen në raportin përfundimtar të Civilit pas mbarimit të procesit zgjedhor.
Një numër i madh i materialeve dhe përmbajtjeve nga terreni arrinin gjatë periudhës parazgjedhore, në dy ditët e votimeve. Edhe këto ditë arrijnë informata nga terreni, para rivotimit në vendvotimin 2901.
Publikimi dhe zbardhja e të gjitha aspekteve të proceseve zgjedhore në vend do të vazhdojë edhe më tej, përmes bashkëpunimit të shkëlqyer me vëzhguesit, korrespondentët, gazetarët qytetarë dhe vullnetarët e Civilit.
U bëjmë thirrje qytetareve dhe qytetarëve, mediave dhe të gjitha oalëve të prekura që kanë informata për parregullsi zgjedhore, t@i paraqesin në numrat e telefonit 02/5209 176, 071 608 523, 078/746 138 dhe në formularin onlajn www.zgjedhjetëlira.info.
