Seanca e parë parlamentare pas mbarimit të zgjedhjeve lokale mbaroi me konstatimin e dorëheqjes së deputetëve, të cilët në zgjedhje lokale u zgjodhën për kryetar të komunës, si dhe verifikimin e mandatit për trashëgimtarët e tyre.
Pasi që kryetari i parlamentit, Talat Xhaferi, i konstatoi dorëheqjet dhe konstatoi që deputetët janë largim, ata të cilët u zgjodhën për kryetar të komunës e përfunduan seancën në pritje të raportit prej Komisionit Shtetëror Zgjedhor.
Parlamenti në fillim të seancës së 18-të konstatoi dorëheqjet e pesë deputetëve të cilët u zgjodhën për kryetar të komunës që nga rrethi i parë, Petre Shilegov, Stefan Bogoev, Sasho Pockov, Kosta Janevski dhe Maksim Dimitrievski. Parlamenti sot e konstatoi përfundimin e mandatit të deputetit edhe deputetëve Bardhyl Dauti nga PDSH dhe Zeqirija Ibrahimi nga Besa, i cili dorëheqje dha në rrethin e dytë zgjedhor.
Deputetët e rinj të cilët do t’i zëvendësojnë të zgjedhurit për kryetar komune, u ulën në ulëset e deputetit pasi që Parlamenti me 78 vota “për” e verifikoj mandatin e tyre.
Tatjana Lallçevska, Aneta Simevska Dimovska, Lidija Tasevska, Riste Tashev, Kostadin Kostadinovski morën detyrën e bashkëpartiakëve të tyre të cilën u bën kryetar të komunës.
Në vendin e Bardhyl Dautit nga PDSH vjen Meral Useini, përderisa Rexhep Memeti vjen në vendin e Zeqirija Ibrahimi nga Besa.
Deputetët Bllagoj Boçvarski dhe Kurto Dudush të cilët kanë shënuar fitore në rrethin e dytë, duhet që ti presin rezultatet zyrtare nga KSHZ para se të përshëndeten me funksionin e deputetit. Në seancën e sotme prezentë ishin mazhoranca dhe opozita.
Burim: META
Përmbajtjet të cilat CIVIL i merr nga burime të tjera nuk nënshtrohen në licencën Creative Commons 1.0, përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.
