Fitues në rrethin e parë zgjedhor për kryetar të qytetit të Shkupit është kandidati i LSDM, Petre Shilegov, sipas rezultateve të para zyrtare, por jo të plota të shpallura në ueb faqen e Komisionit Shtetëror Zgjedhor.
Sipas votave të numëruara deri tani, Shilegov ka fituar 130.601 vota, gjegjësisht 50,19%, derisa për kandidatin e VMRO-DPMNE, Koce Trajanovski, kanë votuar 93.571, gjegjësisht 35,96%. Shilegov udhëheq para Trajanovskit me rreth 37.000 vota.
KSHZ sot deri në ora 14 duhet ti kumtojë rezultatet e para nga votimet e djeshme për zgjedhje lokale.
Deri tani KSHZ ka përpunuar 98,74% nga votat dhe sipas të dhënave të shpallura në ueb faqen e tyre, kandidatët për kryetarë të LSDM udhëheqin në 50 komuna, të VMRO-DPMNE në 9 komuna, të BDI në 12, ndërsa kandidatët e nëntë partive tjera dhe koalicioneve, udhëheqin në komunat tjera.
