Mbrëmë para mesnatës, me 56 vota “ kundër” të shumicës parlamentare, në Kuvend u refuzua interpelanca për ministrin për punë të jashtme, Nikolla Dimitrov.
“Për” interpelancë votuan 43 deputetë nga opozita.
Duke u përgjigjur në akuzat e opozitës, në diskutimin e parë për interpelancë për ministër nga kabineti i Zoran Zaevit, ministri Dimitrov dje në Kuvend theksoi “ Unë, si ministër, nuk kam ndërmend të hap çështje nga e kaluara, qëllimi i të cilave është konfrontimi dhe ngecja. Nuk na duhet garë se përmendoret e cilit janë më të mëdha, që të bëhemi popull krenar! Provokimet jan argumente kundër interesave tona nacionale”:
Seanca vazhdon sot në ora 16, ndërsa në rend të ditës janë kërkesat për revokimin e ministrave për bujqësi, pyje dhe ujëra, dhe për punë dhe politikë sociale Ljupço Nikollovski dhe Mila Carovska.
