Fejsbuk faqja e kopshtit “Bleta” në Çair ka nxitur reagime të shumta, në të cilën ishin të publikuara fotografi dhe video të fëmijëve të kopshtit gjatë kryerjes së riteve fetare Islame.
Gazetari qytetar nga Shkupi ka dërguar në redaksinë e CIVIL Media fotografitë dhe videon nga kopshti në Çair, që kryen indoktrinimin fetar ndaj fëmijëve që e vizitojnë kopshtin. Pas reagimeve në rrjetet sociale, administratorët e faqes e kanë larguar faqen nga rrjeti.
Pas spekulimeve në opinion, se kopshti punon në mënyrë joligjore, gjegjëlsisht, nuk është i paraqitur si institucion për përkujdesjen e fëmijëve parashkollor, CIVIL Media tentoi ta kontaktojë kryetarin e Komunës së Çairit, Izet Mexhitin, mirëpo ai nuk u përgjigj.
Në regjistrat e publikuara në ueb faqen e Ministrisë për Punë dhe Politikë Sociale, ky kopsht nuk ekziston. As si pjesë e adresarëve të institucioneve publike – kopshte fëmijësh, as në adresarin e kopshteve private për fëmijë. Kopshti “Bleta” nuk është i paraqitur as si agjenci për shërbim dhe kujdes të fëmijëve të moshës parashkollore, as si qendër private për zhvillimin e hershëm të fëmijëve!
Sipas një fotografie të kopshtit, e përpunuar si panel, ky institucion fantazmë punon disa vite, dhe siç duket në përshkrimin, e ka prodhuar “gjeneratën e tretë” të fëmijëve që e vizitojnë kopshtin.
CIVIL Media pranoi vërtetim nga Ministria për Punë dhe Politika Sociale se kopshti nuk është i regjistruar, si dhe, se shërbimi i inspekcionit sot ka dalë në terren. Për informata më të hollësishme, Ministria paralajmëroi kumtesë.
Maja Ivanovska
