Gjyqi i Hagës e vërtetoi dënimin e gjykatës qytetare nga viti 2014, sipas të cilës Holanda është pjesërisht përgjegjëse për vdekjen e rreth 300 qytetarëve muslimanë të Bosnjës nga Srebrenica, të cilët kanë qenë të strehuar në bazën e forcave paqësore të Kombeve të Bashkuara. Gjyqi përfundoi se Holanda ka vepruar kundër ligjit, që i ka dëbuar muslimanët nga baza dhe se paqësorët është dashur ta dinë se ekziston rrezik real se ata do të përballen me veprime jonjerëzore dhe likvidime, nëse u dorëzohen forcave të armatosura të Serbëve të Bosnjës.
“Gjyqi vlerësoi se Qeveria e Holandës ka vepruar në mënyrë joligjore. Me lejimin e njerëzve ta braktisin objektin të pambrojtur, ata nuk kanë pasur shansa të mbijetojnë dhe është dashur ta dinë se ekziston rrezik real nga trajtimi jonjerëzor dhe nga ekzekutimi”, thuhet në vendimin e Gjyqit të Hagës.
Qeveria e Holandës dhe ushtarët njëkohësisht nuk konsiderohen si përgjegjës për dy kategoritë tjera të viktimave, gjegjësisht, ata që janë gjetur rreth bazës së paqësorëve, dhe sipas vendimit të shkallës së parë, është dashur të evakuohen. Autoritetet e Holandës dorëzuan ankesë për gjykimin e parë, me pretendim se nuk kanë mundur ta dinë se muslimanët do të vriten. Vetë vendimi i Gjyqit konsiderohet si përjashtim, duke e marrë parasysh se Kombet e Bashkuara kanë imunitet nga ndjekja penale.
Ndërkohë, rreth 200 paqësorë nga Holanda paralajmëruan se do ta padisin Qeverinë e tyre, duke kërkuar tu paguhet dëmshpërblim për pasojat e dëmshme me të cilat janë përballur në këtë rast. Avokati i ushtarëve lajmëroi se do të këprkohet kompensim prej 22 mijë euro për secilin nga ata, me çfarë shuma totale do të jetë rreth 4,5 milionë euro. Autoritetet aktuale pranojnë se batalioni që ka qenë i dërguar në Bosnje gjatë luftës, ka qenë pa pajisje përkatëse dhe nuk ka pasur informata të mjaftueshme nga terreni, dhe për këptë shkak misioni për mbrojtjen e paqes në rajon ka qenë joreale.
