Një Gostivaras i pensionuar me përvojë pune pesëdhjetëvjeçare në Gjermani, para kamerës së CIVIL Media e krahason drejtësinë sociale në dy shtetet.
CIVIL Media: Vallë ka drejtësi sociale në Maqedoni?
Kam jetuar në Gjermani për 52 vite. Gjermania është shtet që u ndihmon njerëzve të varfër. Por mos mendoni se në Gjermani nuk ka njerëz që kërkojnë lëmoshë rrugëve. Ka. Por Gjermania shumë i ndihmon popullit. Për momentin, Gjermania është vendi më i mirë në Evropë për nga ndihma ndaj qytetarëve. Edhe atje nuk ka ndarje mes popullit, qofshin të zi ose të bardhë, qoftë Shqiptar, Maqedonas, Serb… Atje nuk ka ndasi, dhe për këtë arsye Gjermania është ndoshta edhe vendi më i mirë në botë, për nga ndihma ndaj qytetarëve.
CIVIL Media: Në krahasim me Gjermaninë, si është situata në Maqedoni?
Edhe këtu duhet të ketë drejtësi sociale, patjetër duhet të ketë, vetëm se mua këtu diçka nuk më pëlqen. Ka 5-6 vite që jam këtu në pensionim, dhe sipas asaj që e shoh, vlerësoj se ne ecim drejt shkatërrimit. E shoh këtë. Shteti ynë nuk duhet të lejojë të arrijë në këtë situatë. Sepse, ne në Maqedoni kemi mundësi që shteti të na shkojë përpara. Vetëm se, te ne ka shumë ndarje, çfarë jam unë, çfarë është ai, pse ky, e jo ai, pse ai Shqiptari, pse ai Maqedonasi…
Maja Ivanovska
Kamera: Dehran Muratov
