Për herë të parë nga konflikti në vitin 2001, situata e përgjithshme politike – kriza politike, është problemi më serioz për qytetarët e Maqedonisë, pas të cilës vijojnë varfëria, papunësia, kriza ekonomike dhe platforma e nënshkruar nga liderët e partive të bllokut shqiptar. Këto janë rezultatet nga anketa “Perceptimi i qytetarëve të Maqedonisë për gjendjen momentale politike në Maqedoni”, të cilën në muajin mars e ka zbatuar Instituti Nacional Demokratik amerikan, me mbështetje financiare nga USAID.
23% nga qytetarët në Maqedoni, gjendjen momentale politike në shtet e përjetojnë si të tensionuar, kritike dhe jostabile.
Madje 65% mendojnë se shteti po ec në drejtim të gabueshëm, përballë vetëm 8% të cilët mendojnë se shteti po lëviz në drejtim të vërtetë.
Pothuajse çdo i treti nga të pyeturit vlerëson se përgjegjësi më i madh për krizën politike është VMRO-DPMNE ose Presidenti Gjorge Ivanov. Për 13% problemi qëndron në platformën e partive të shqiptarëve, ndërsa 11% e drejtojnë gishtin nga LSDM.
Pothuajse dy të tretat nga qytetarët vlerësojnë se shumica nga deputetët mund të formojnë qeverinë, ndërsa gjysma nga qytetarët e Republikës së Maqedonisë (51%) vlerësojnë se LSDM dhe partnerët e saj koalicionues kanë autorizimin për udhëheqjen e qeverisë/ Megjithatë, vetëm 40% vlerësojnë se formimi i qeverisë , pa dorëzimin e mandatit nga Ivanovi, është legjitime.
Tetë nga dhjetë qytetarë të Republikës së Maqedonisë (81%) nuk e kanë lexuar Platformën e nënshkruar nga partitë e bllokut shqiptar.
Sipas qytetarëve, rritja e ekonomisë, vendosja e fundit të krizës politike, punësimet, bashkimi i vendit dhe sundimi i të drejtës – duhet të jenë pesë prioritetet e para për Qeverinë e re.
Platforma e nënshkruar nga liderët e partive etnike Shqiptare është prioritare për vetëm 1,8% nga qytetarët e anketuar.
Në pyetjen –“ Prej nga më së tepërmi informohen për ngjarjet politike?”, 66,5% janë përgjigjur se më së tepërmi informohen nga televizionet: Sitel -14.4, Kanal 5 – 13.7, Alsat-M- 12.8 dhe TV 24-11.9 %.
Anketa është realizuar nga TIM Instituti mbi 807 të anketuar në moshë prej 18 vite e më të vjetër.
