Në adresimin e sivjetmë, drejtoresha e përgjithshme e Trupit të Kombeve të Bashkuara për barazi gjinore dhe forcimin e gruas, Pumzile Mlambo Nguçka, thotë se anembanë botës, shumë gra dhe vajza harxhojnë tepër kohë për obligime shtëpiake, madje dyfish, për dallim nga burrat. Ato kujdesen për motrat dhe vëllezërit më të vegjël, për anëtarët më të vjetër në familje, për të sëmurit në familje, si dhe për drejtimin dhe mirëmbajtjen e shtëpisë. Në shumë raste, kjo ndarje e pabarabartë e punës është në llogari të arsimit të grave dhe vajzave.
“Dëshiroj të ndërtojmë një botë të ndryshme pune për gratë. Gjatë rritjes së tyre, vajzave duhet tu jepen në dispozitë zgjidhje të gjëra të karrierave dhe të inkurajohen të bëjnë zgjedhje me të cilat synojnë më lartë se kujdesi dhe shërbimi tradicional, dhe të orientohen nga karriera në industri, art, shërbimi publik, bujqësia moderne dhe shkenca”, tha Nguçka.
Ajo theksoi se ndryshimet dihet të fillojnë nga shtëpia, nga ditët më të hershme të shkollimit. Si dhe se është e nevojshme të bëhen adaptime në kultivimin, planet mësimore, kornizat arsimore dhe mjetet të cilat për çdo ditë krijojnë stereotipe si Televizioni, reklamat dhe programet zbavitëse.
“Gratë dhe vajzat duhet të jenë të gatshme të bëhen pjesë e revolucionit digjital. Për momentin vetëm 18% nga studimet e para diplomimit nga informatika llogariten për gratë. Anembanë botës nevojitet ridrejtim i rëndësishëm i vajzave, me qëllim të fokusimit të tyre nga lëndët matematikore – teknologjike, nëse gratë dëshirojnë të garojnë me sukses në fitimin e vendeve të reja të punës, me pagesa të larta. Për momentin, vetëm 25% nga fuqia e punës në industritë digjitale janë gra”, thotë Nguçka.
