Afati i fundit për shpalljen e zgjedhjeve lokale mbaron sot. Sipas Kodit Zgjedhor, nga dita e shpalljes deri në ditën e mbajtjes së zgjedhjeve nuk mund të kalojnë më tepër se 90, as më pak se 70 ditë. Të drejtë për shpallje të zgjedhjeve ka vetëm Presidenti i Kuvendit i cili është votuar nga së paku 61 deputetë nga përbërja aktuale parlamentare.
Që të mbahen zgjedhjet në gjysmën e parë të majit, Kuvendi duhet ta vazhdojë seancën konstitutive, që të zgjidhet Presidenti dhe ai t’i shpallë zgjedhjet.
Për arsye se asnjë nga partitë parlamentare nuk ka dorëzuar kërkesë për thirrje të seancës për zgjedhje të organeve të Kuvendit, duket se zgjedhjet lokale do të prolongohen.
Më 30 dhjetor u mbajt seanca e parë e përbërjes së re të Kuvendit në të cilën u verifikuan mandatet e deputetëve, mirëpo nuk u zgjedh edhe Presidenti i Kuvendit.
Sipas ekspertëve, Kushtetuta lejon që Kuvendi me shumicë prej të dy të tretash të bëjë ndryshime në Kodin Zgjedhor dhe të prolongohen zgjedhjet lokale. Parakushti i vetëm është të zgjidhet Presidenti i Parlamentit.
