Edhe pse deri sot shanset që VMRO-DPMNE dhe BDI do të ulen në tryezë negociatash dukeshin pothuajse të pamundura, dy partitë politike u deklaruan me qëndrim se negociatat me siguri do të fillojnë gjatë kësaj jave. Sidoqoftë, për momentin DBI dhe VMRO DPMNE kanë mbetur në qëndrimet e tyre të vendosura.
Edhe pse nga dy partitë nuk zbulojnë imtësia, Trajko Veljanovski, në intervistë për TV Sitel, deklaroi:” Jam i bindur se në periudhën e ardhshme, deri më 29 janar, do të mbyllen të gjitha çështjet e hapura: së pari, mbarimi i seancës konstitutive dhe formimi i qeverisë së re. Mandatari Nikolla Gruevski ka 20 ditë ta formojë qeverinë. Këto ditë ka pasur disa kushtëzime, nga një parti politike, pati përgjigje nga VMRO-DPMNE, gjegjësisht, nga mandatari i cili e përfaqëson partinë dhe koalicionin, dhe shpresoj që jashtë nga ajo që ishte ndeshje fillestare, në pajtim me Kushtetutën dhe ligjet, në periudhën e ardhshme do të fillojnë negociatat”.
Veljanovski ka paralajmëruar se pas 23 janarit do të vazhdojë edhe seanca konstitutive e Kuvendit, ku do të zgjidhet Presidenti i parlamentit të ri. Partitë për momentin nuk lajmërojnë nëse në organet e tyre partiake kanë diskutuar për emrat të cilat do t’i kishin propozuar për këtë funksion.
Nga BDI thonë se agjendën e tyre për negociata e bazojnë mbi Platformën e tre partive politike shqiptare dhe mbi vendimet e udhëheqësisë qendrore. Edhe BDI pret që gjatë javës më në fund do të fillojnë negociatat.
