Pasi që deri të Drejtoria për Mbrojtjen e të Dhënave Personale janë dërguar disa iniciativa për inspektim mbikëqyrës mbi mediat, gjegjësisht, mbi internet –portale informative, me qëllim të përcaktimit të shkeljeve të ligjit për Mbrojtjen e të Dhënave Personale, Drejtoria përmes lajmërimit ka kërkuar nga mediat që t’u përmbahen parimeve të parapara në Ligjin.
“Ne u tregojmë të gjitha portaleve –onlajn dhe mediave të shtypura, se është e nevojshme të iniciojnë mënjanimin e të dhënave personale, gjegjësisht, minimizimin e vëllimit të të dhënave personale të cilat publikohen në pajtim me qëllimin i cili duhet plotësuar gjatë publikimit, për shkak të përcaktimit të drejtë, përkatës, relevant dhe jo tepër voluminoz të kategorive të të dhënave personale (mbiemri, emri, adresa e vendbanimit- lagje dhe rrugë, të dhëna për nënshkrim personal me dorë) të qytetarlve ( subjekte të të dhënave personale)”, thuhet në lajmërimin.
DMDHP udhëzon për nenin 8 nga Ligji për Mbrojtjen e të Dhënave Personale: “ Është i ndaluar përpunimi i kategorive të veçanta të të dhënave personale”.
Nga DMDHP, shpjegojnë se numri amë i qytetarit mund të përpunohet vetëm pas pajtimit paraprak të subjektit të të dhënave personale, për realizimin e të drejtave të përcaktuara me ligj ose obligimeve të subjektit të të dhënave personale ose kontrolluesit, dhe në raste tjera të përcaktuara me ligj.
Në periudhën e kaluar, një pjesë e portaleve në Maqedoni, me publikimin e të dhënave personale, shpesh janë shkelur këto dy nene.
Një nga këto raste është edhe publikimi i letërnjoftimit të Presidentit të CIVIL –Qendrës për Liri, Xhabir Deralla, në portalin “Dudinka”. Pas dorëzimit të Kërkesës për përcaktim të së drejtës për mbrojtjen e të dhënave personale, DMDHP, ka përcaktuar lëndim të asaj të drejte dhe u ndalua përpunimi i mëtejmë i të dhënave personale të Derallës.
M.Tegovska
DMDHP: Mediat ta respektojnë Ligjin për Mbrojtjen e të Dhënave Personale
