CIVIL – Qendra për Liri, me ngjarjen publike “Pluralizmi dhe kriza politike” që u mbajt të martën, më 2 shkurt 2016, në hotelin “City Park” në Shkup, e rrumbullakësoi projektin “E drejta ime për të votuar“, i mbështetur në kuadër të Projektit të USAID-it për Shoqëri Civile , zbatuar nga Fondacioni Shoqëria e Hapur – Maqedoni.
Në debat morrën pjesë drejtues dhe zyrtarë të lartë të partive politike, të cilat nuk janë pjesë e bisedimeve politike. Përveç pyetjeve të gazetarëve, pjesëmarrësit në debat iu përgjigën edhe pyetjeve të qytetarëve dhe qytetareve të parashtruara në faqen e Facebook-ut të CIVIL-it, si dhe në Twitter me hashtag #CIVILevent.
Nga diskutimi i debatit, u konstatua se kriza politike në Maqedoni dëmton thellë perceptimin e fuqisë së qytetarit dhe zërin e tij për realizimin e zgjedhjeve të lira dhe demokratike.
Prandaj, si pjesë e edukimit të qytetareve dhe qytetarëve për të drejtën e tyre për të votuar, si dhe për aktivitetet e mëtejshme të CIVIL-it në kontekstin zgjedhor, u botua broshura “E drejta ime për të votuar.”.
Përpos informatave themelore për të drejtat e votimit dhe procesit zgjedhor, udhëzimet për monitorim dhe raportim afatgjatë, në broshurën janë të vendosura edhe analizat e ligjeruesve në seminaret e mbajtura në kuadër të projektit.
Broshurën “E drejta ime për të votuar” mund ta gjeni në rubrikën “Publikime” në ueb faqen e CIVIL-it, www.civil.org.mk.
Projekti “E drejta ime për të votuar”, kishte për qëllim të forcojë ndërgjegjësimin publik, edukimin dhe mobilizimin e qytetarëve (e) s për përmirësimin e proceseve zgjedhore, si dhe mbrojtjen e të drejtave dhe lirive të njeriut, nëpërmjet njohjes e së drejtës për të votuar. “E drejta ime për të votuar”, njëkohësisht, paraqet një platformë për funksionimin më efikas të CIVIL-it në zgjedhjet e ardhshme.
