Në fakt, ështe pritur që në këto zgjedhje parlamentare evropiane të kemi një rritje të dukshme së të djathtës në mbarë Evropën, po ajo që ishte frikë ishte se mos vallë do të domoninojnë partitë ekstreme të djtahta, tha për CIVIL Media kreu i Këshillit Euroatlantik dhe njohës i mirë i zhvillimeve, Ismet Ramadani.
Ai thotë se e mira e gjithë kësaj është që partitë e djathta konservatore që janë afër qendrës kanë fituar, ndërsa me socialdemokratët dhe liberalët megjithatë do të jenë shumicë në Parlamentin e ardhshëm Evropian, në këtë mënyrë do të zgjedhin edhe institucionet.
Lidhur me atë se sa do të ndikojë fitorja e partive të djathta evropiane në rrugën eurointerguese të Maqedonisë së Veriut, Ramadani thotë do të vazhdohet presioni dhe kërkesa ndaj vendit për t’i përmbushur obligimet që dalin nga propozimi francez, gjegjësisht ndryshimet kushtetuese. Madje, sic shprehet, tani atë do ta bëjnë me një kredibilitet më të madh dhe të drejtpërdrejtë pasi VMRO-DPMNE i takon grupimit të partive popullore konservatore evropiane EPP.
“VMRO – DPMNE si parti e djathtë konservatore nuk mund ti shmanget kësaj kërkese dhe të kërkojë alibi në opsione tjera sepse tek e fundit për të qëndruar edhe si anëtare dhe në diskurs me këto parti konservatore ose EPP-së ajo duhet të patjetër të përcjellë edhe mënyrën dhe kërkesat e tyre dhe kjo mendoj se do të ndikojë për të përshpejtuar për të gjetur ndonjë alibi anësor, sic e thonë VMRO-DPMNE-ja ndonjë garanci edhe ajo garanci do të jetë deklarative dhe nuk do të jetë në ndonjë letër speciale ose me dicka që mund të ndryshojë kornizën e bisedimeve me Bashkimin Evropian. Gjithashtu, duhet të jetë i kujdesshëm ky grupim i partive konservatore që VMRO-DPMNE-ja të mos lajthit drejt të djathtës ekstreme”, tha mes tjerash Ramadani.
Nazmi Abdurahmani
