CIVILi do të mbajë panel diskutimin “Liroje mendjen: Cilat janë elementet kryesore të luftës kundër dezinformimit, propagandës dhe kërcënimeve hibride në Maqedoninë e Veriut” me profesorët universitarë Vesna Poposka dhe Vlladimir Pivovarov. Ngjarja do të transmetohet në mediat sociale dhe kanalet video të organizatës të enjten (sot), më 9 nëntor në ora 12:00.
Liroje mendjen (Free your mind) është projekt për luftimin e dezinformatave, propagandën dhe kërcënimet hibride përmes monitorimit, aktiviteteve mediatike dhe komunikimit të drejtpërdrejtë me qytetarët. Aktivitetet përfshijnë think tank, media dhe elementë aktivistë.
Qëllimet kryesore të projektit janë monitorimi, analiza dhe zhvlerësimi i dezinformatave dhe propagandës dhe kërcënimeve hibride; ofrimin dhe sigurimin mbi informacionet dhe opinionetrelevante përkatëse, si dhe përgjigje gjithëpërfshirëse civile dhe mediatike ndaj dezinformimit dhe propagandës, për refuzimin e sulmeve ndaj demokracisë dhe stabilitetit.
Qëllimet e projektit janë ekspozimi i dezinformimit/propagandës që e minon demokracinë dhe shpërdoron shpresat dhe frikën e qytetarëve lidhur me zgjedhjet, integrimet euroatlantike dhe çështje të tjera kritike, ngjarje dhe procese në Maqedoninë e Veriut.
Më tej, qëllimet e këtij projekti janë zbutja e efekteve jashtëzakonisht të dëmshme të propagandës që lidhen me agresionin rus kundër Ukrainës, ultra-nacionalizmin, ksenofobinë dhe politikat e polarizimit dhe dhunës, përmes angazhimit të qytetarëve (përmes thirrjes për veprim), mediat dhe krijuesit e opinionit publik të njohin dhe të marrin masa kundër dezinformimit dhe propagandës.
Ky projekt është i mbështetur me grant nga Ambasada e SHBA-ve. Mendimet, zbulimet dhe konkluzionet ose rekomandimet e paraqitura këtu janë të implementuesve/autorëve dhe nuk i reflektojnë domosdoshmërisht ato të Qeverisë së SHBA.
