CIVILi e dënon ashpër vandalizmin dhe manipulimet e shkaktuara nga provokimi i fundit, jashtëzakonisht tinëzar i mbështetur publikisht nga e Majta, që u krye nga të vetëquajturit “Rinia e kuqe”.
Në Çair, anëtarët e së Majtës dje (12 korrik 2023), para kamerave të tyre vandalizuan tavolinën me mbishkrimin e “Parku Ukraina” , që u promovua një muaj më parë me nismë të komunës së Çairit, në bashkëpunim me Ambasadën e Ukrainës, me mbështetjen e CIVILit dhe grupeve dhe organizatave të tjera qytetare dhe humanitare. Ky akt është një simbol i solidaritetit me popullin ukrainas në luftën e tyre për liri nga agresioni dhe okupimi rus.
Dëmtimi dhe “riemërtimi” arbitrar i “Parkut Ukraina” në Çair, nuk është vetëm një akt i zakonshëm vandalizmi.
Duke abuzuar qartë dhe rëndë një term të ndritur, siç është ASNOM, vandalët politikë të së djathtës ekstreme duan të shkaktojnë urrejtje dhe përçarje, kundër motivit fisnik që qëndron pas emërtimit të “Parkut Ukraina”. Njëkohësisht, ata nuk e fshehin qëllimin e tyre për të nënçmuar vullnetin e vetëqeverisjes lokale, si dhe të qytetarëve të komunës së Çairit dhe më gjerë, për t’i dhënë njohje dhe respekt luftës së Ukrainës për liri.
Zgjedhja e vendndodhjes dhe emrit të parkut nuk është e rastësishme, sepse nga E Majta nuk e fshehin mbështetjen dhe lidhjen me idhullin e tyre, kriminelin e luftës dhe diktatorin Putin.
CIVILi kërkon nga institucionet përkatëse, në radhë të parë nga Ministria e Punëve të Brendshme, të nisin menjëherë procedurën për sanksionimin e autorëve të këtij akti tinëzar, jo vetëm për shkak të vandalizmit, por edhe për shkak të propagandës që promovon agresion, krime, urrejtje dhe ndarje midis njerëzve dhe kombeve. Ata nuk janë anonimë, por kanë regjistruar veten dhe po promovohen në rrjetet sociale, ndaj institucionet përkatëse nuk duhet ta kenë problem përgatitjen e procedurave ligjore. CIVIL i pret reagim të ashpër dhe ligjor në këtë, dhe raste të ngjashme.
Një akt i tillë është i papranueshëm dhe meriton dënim të fuqishëm nga publiku.
