Presidenti rus Vladimir Putin nuk do të mbajë konferencën e tij tradicionale për shtyp të fundvitit për herë të parë pas një dekade, pasi ushtarët rusë vazhdojnë të humbin pozicionet në Ukrainë, transmeton POLITIKO
“Lidhur me konferencën vjetore të shtypit, po, nuk do të mbahet para Vitit të Ri”, tha të hënën zëdhënësi i Kremlinit, Dimitrij Peskov, duke shtuar se ende pritet që presidenti të bisedojë me gazetarët, po ashtu, gjatë vizitave të huaja
Data për fjalimin e Vitit të Ri të Putinit drejtuar kombit nuk është caktuar ende, shtoi Peskov.
Ngjarja vjetore në të kaluarën ka zgjatur për orë të tëra, duke i ofruar Putinit një mundësi për të shfaqur mjeshtërinë e tij të politikës dhe kontrollin e tij në pushtet në televizionin kombëtar.
Ushtarët rusë vazhdojnë të përjetojnë disfata në Ukrainë thuajse 10 muaj që nga invadimi i këtij vendi. Ministria britanike e Mbrojtjes njoftoi se Ukraina ka çliruar rreth 54 për qind të territorit të pushtuar nga forcat ruse që nga 24 shkurti.
