Të paktën 15 persona kanë humbur jetën, ndërsa 50 të tjerë janë plagosur dje në një sulm raketor rus në një stacion hekurudhor në Ukrainën qendrore, deklaroi presidenti ukrainas Volodimir Zelenski në fjalimin e tij në Këshillin e Sigurisë të KB-së , njofton MIA.
“Sapo mora informacion për rënien e një rakete ruse në një stacion hekurudhor pranë Dnjpropetrovsk, në vagona në stacionin Çaplino. Kanë marrë flakë katër vagona udhëtarësh”, tha Zelenski mbrëmë në fillim të fjalimit të tij. Sipas tij, “të paktën 15 persona kanë humbur jetën, ndërsa pesëdhjetë janë plagosur”.
“Në terren kanë dalë ekipet e shpëtimit, por numri i viktimave fatkeqësisht mund të rritet. Kjo është përditshmëria jonë”, shtoi Zelenski.
Sulmi vjen pasi Ukraina e festoi Ditën e Pavarësisë, me çka e shënon ndërprerjen e lidhjeve me BRSS në vitin 1991. Gjithashtu ndodh kur vendi hyn në muajin e shtatë të luftës me Rusinë që filloi më 24 shkurt.
Zelenski paraprakisht dje tha se Ukraina do të luftojë “deri në fund”.
