Ukraina është e fokusuar drejt ushtarëve rusë të cilët qëllojnë në drejtim të centralit bërthamor të marrë në jug të vendit apo e shfrytëzojnë si bazë nga e cila qëllohet, deklaroi mbrëmë presidenti ukrainas, Volodimir Zelenski, transmeton MIA.
Ukraina dhe Rusia akuzohen mes veti për incidentet e shumta të kohëmëparshme me granatim të centralit bërthamor Zaporozhje, i cii është më i madhi në Evropë.
Trupat ruse e morën centralin në fillim të invazionit rus në Ukrainë.
“Secili ushtar rus i cili ose qëllon në drejtim të centralit ose qëllon duke e shfrytëzuar centralin si mbulesë, duhet të kuptojë se bëhet cak i veçantë për agjentët tanë të zbulimit, për shërbimet tona speciale, për ushtrinë tonë”, tha Zelenski në video-paraqitjen e tij të mbrëmshme.
