Komisioni për Sëmundje Ngjitëse në mbledhjen e sotme e ka analizuar gjendjen aktuale lidhur me paraqitjen e një rasti të dyshuar të lisë së majmunit në vend, njofton MIA.
Është konstatuar se të gjitha institucionet kompetente janë të përfshira në mënyrë aktive në procesin e analizës epidemiologjike, konfirmimit laboratorik dhe izolimit të rastit të dyshuar, kumtoi Ministria e Shëndetësisë.
Komisioni për Sëmundjet Ngjitëse rekomandoi vendosjen e masave izolim/karantinë, edhe atë izolim në kushte shtëpie apo spitalore të rasteve të dyshuara të lisë së majmunëve deri në testimin e tyre, izolimi i rasteve të konfirmuara në kushte shtëpie apo spitalore deri në përfundimin e sëmundjes apo shërimin e kromave, si dhe ndjekjen e përditshme epidemiologjike të kontakteve të rasteve të konfirmuara të lisë së majmunëve gjatë periudhës së inkubacionit 21 ditor.
Komisioni për Sëmundjet Ngjitëse e riafirmon rekomandimin deri te Ministria e Shëndetësisë që të ndërmerren të gjitha masat e nevojshme parandaluese.
Ndërkohë Instituti për Shëndet Publik duhet ta kontrollojë mostrën për testimin e një rasti të dyshuar të lisë së majmunit. Pacienti është nga Kërçova, në gjendje të mirë shëndetësore dhe nuk ka nevojë për hospitalizim, tha kryetari i Komisionit për Sëmundje Ngjitëse Aleksandar Petliçkovski.
“Pacienti është locuar. Është kontaktuar nga epidemiologu kompetent në Manastir dhe anketa fillestare epidemiologjike ka përfunduar. Kemi teste në dispozicion dhe në ISHP duhet të kemi përgjigje nëse bëhet fjalë për linë e majmunit”, deklaroi për televizionin Sitel, Petliçkovski.
Pacientit nga Kërçova para disa ditësh ka pasur puçrra në trup, që është një nga simptomat e lisë së majmunit.
