Konform Rregullores së Kuvendit, kryeparlamentare Talat Xhaferi do të informojë për datën për konvokimin e seancën plenare, në rend të së cilës do të jetë Informacioni për përmbajtjen e propozim kornizës negociuese, të parashtruar nga Qeveria në shtëpinë ligjvënëse, kumtoi sot Kabineti i kryetarit të Kuvendit, njofton MIA.
Siç theksohet në kumtesë, në lidhje me pikën Informata për përmbajtjen e propozim-kornizës së negocimit dhe diskutimit që u zhvillua në lidhje me këtë pikë, kryetari theksoi se në pajtim me nenin 185 të Rregullores së Kuvendit, Xhaferi e shpërndan Informacionin te deputetët në formën në të cilën është pranuar dhe nuk ka kompetencë të ndërhyjë në përmbajtjen e tij. Në të njëjtën kohë, nuk ka dispozitë në Rregullore e cila i mundëson Kryetarit ta kthejë Informacionin te propozuesi.
Sipas procedurës, Informacioni që është në rend dite në seancën plenare, miratohet me marrjen e Konkluzave në raport me Informacionin. Përfaqësuesi i Qeverisë, Bojan Mariçiq u përgjigj se do i transmetojë qëndrimet e opozitës dhe informacionet nga koordinimi në Qeveri për nevojën për plotësimin e Informacionit me materialet që kanë qasje publike për gjithë opinionin, a në Informacion janë theksuar si referencë.
Në koordinimin e sotëm të rregullt të caktuar nga Kryetari i Kuvendit, Talat Xhaferi, të pranishëm ishin nënkryetari i Kuvendit, Goran Misovski, koordinatorët e Grupeve Parlamentare të VMRO DPMNE-së Nikolla Micevski; të LSDM-së, Jovan Mitreski; të BDI-së, Arbër Ademi dhe Aleancës për Shqiptarët, Ilire Dauti, si edhe përfaqësues të partive politike BESA, Alternativa dhe E Majta.
Ndryshe për sot është përcaktuar seancë plenare me një pikë në rend dite, Rebalanci i Buxhetit, për të cilën debati do të zgjasë deri më 5 ditë.
